પહેલા વરસાદ માં તો ન્હાવું જ જોઈએ…

ટિકલો : અલા, લાલ્યા, આ બધા આગાહીઓ કરે છે, તો શું વરસાદ આવશે એક-બે દિવસમાં ?

લાલ્યો : આવશે જ ને ? મુંબઇ થી નીકળી ગયો છે તો, બીજે ક્યાં જવાનો.

ટિકલો : પણ, એને તો 3-4 દિવસ થઈ ગયા ને? હજી કેમ ના આયો ?

લાલ્યો : આવશે ભાઈ, હજી મોદીએ બુલેટ ટ્રેન ચાલુ નથી કરીને એટલે.

ટિકલો : ચાલ તો હું જાઉં, ઘરે જઈને વરસાદ ની થોડી તૈયારી કરવાની છે.

લાલ્યો : વાહ, ન્હાવા માટે જુના કપડાં કાઢવાના છે ? અહા… જલ્સા કરશો વરસાદમા ?

ટિકલો : ના ભાઈ, છત્રી, રેઇનકોટ બધું તિજોરીમાંથી શોધવું પડશેને ? ઉંદરડી એ ફાડી નાખ્યું હશે તો નવું લાવવું  પડશે ને ?

લાલ્યો : તો તું પહેલા વરસાદ માં નાહીશ નહીં ?

ટિકલો : ના યાર, વરસાદ માં તો કઈ નવાતું હશે ? શરદી થઈ જાય.

લાલ્યો : આ તારા જેવા લોકો ના લીધે જ વરસાદ ને અમુક વાર ફંટાઈ જવાનું મન થાય છે.

ટિકલો : શુ ?

લાલ્યો : કઈ નૈ… જા… તમે બધા તો ગરમી માં જ રહેવા ને લાયક છો.